Lahta na ginlam hte seng nna, KBC a jawng kaba langai rai nga ai KTC, Kutkai e, 2024-2025 jawng lung shaning kaw na MACS program & CTS program nnan lahkawng hpe hpaw sa wa na hkyen lajang da saga ai. Myit lawm ai hpung kanu kawa, Ramma shayi shadang sha ni Chyum Hpaji hpe hkaja lu na matu shawk shawn mai sai lam shana dat ga ai. Master of Arts in Christian Study (MACS) hpe shinggan janmau (B.A) Or Chyum janmau (B.Th) lu da ai ni mung shawk shawn mai ai. MACS gaw masum ning program re; jawng lung ai hpe gaw Manga ya shana (Friday evening 4:00-6:00 PM) kalang rai nna, Kru ya shani tup (Saturday morning 8:00-12:00 Pm; evening 1:00-3:00 Pm) rai na re. Jawng kaw nga shara kaga n hkyen ya sai. Certificate in Theological Study (CTS) program gaw online module hku hpaw sa wa na program re ai. Tsang gaw grit htum tsang (8) awng ra na re. Kadai mung (mungdan kata, mungdan shinggan) mai lung ai. CTS gaw lahkawng ning program re; jawng lung nhtoi gaw Sharin ladaw langai hta shata mi chyen rai na, sharin ladaw lahkawng hta shata mi chyen rai na. Laning mi hta jawng lung nhtoi yawng gaw shata masum sha jawng lung na program re. Online module hku re majaw, Chyum hpaji hkaja la na myit lawm ai myitsu kanu kawa ni, Ramma shayi shadang sha ni a matu hpaw ya ai lam rai nga ai. Shawk shawn hkrang (application form) Office kaw mai la ai zawn, KTC face book Page kaw na mung download galaw la mai ai.